قصيدة تخلي الزعلان يرجع لخلة واهو يبكي

[اميرة الاحساس]

رجع يسأل عن أخباري بعد غيبة سنه وشهرين
..رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين
. وإهو ما يدري الدمعة تسيل ولاتسليني..

دمع.هالوجه..أو كنه جمع في غيبته جرحين
.. وأنا عيني بدت تدمع على حزنه وتبكيني..

يقول الدنيا خانتني وبعدك يا الغلا سكين
ولا أحدن يا الغلا غيرك يقدرني ويراعيني..

حبيبي ضقت بغيابك حبيبي حيل أنا مسكين
.. وأنا جيتك بهاليله وتكفى لا تخليني..

و أنا.. لامن نطق (تكفى) عطيته لوطلب (هالعين)
..وأجود بكل ما يملك خفوقي وتملك إيديني..

وقلت: ابشر ولايهمك تدلل وش تبي يا زين
.. تراني فدوه عيونك (لو إنك جيت تشقيني)..

حبيبي لو تبي القمره عطيتك فوقها ثنتين
.. بعد لو تطلب النجمة أبنطق جيتك إضويني..

بعد هذا ضحك ..بعثر همومه سلهم الرمشين
.. وقال الله يا الطيب وأنا ظنيت ناسيني..

صراحة.. حيل تحرجني يا طيب يا أطيب الغاليين
.. ولا ادري كيف بوفيلك حبيبي وأنت تعطيني..


بعد هذا تسامرنا وتواعدنا بعد يومين
. . ووصيته على قلبي وهو مثلي يوصيني..

تواعدنا على الجمعة ((ولا جاني ))إلى الاثنين
. ومر أسبوع والثاني وشوقي يشتعل فيني..

تصدق عاد يا السامع !!ولا جاني الين الحين. وقبل تسأل عن أسبابه بجاوب ((وإنت واسيني))..

لأنه م ات في حادث وأنا مت بغيابه لين
[[عرفت إني كذا ببقى ولا أحد يقوى يحييني]]..

الواحد بهالدنيا مايدري متى يومه و راح يتواجه مع أحبابه؟
وإذا فارق الدنيا بيكون زعلان منهم...ولا مشتاق لشوفتهم..؟؟!!

[متى سـتعرف كم آهواك]

سلمت يداكى ولا حرمنا الله من مشاركاتك

[عصام البكيلي]

صح لسانك
وصح اناملك التى كتبت
شعرك في غاية الروعة
صدق قصيدة تخلى الزعلان يرجع وهو يبكي

لاتحريمنا من مشاركاته الجميلة

[هاوي حنانكـ]

اميرة الاحساس



صح ذووقك ولاهنتي



يعطيك الف عافيه



ابيات رائعه كروعتك




تقبلي مروري



وفالك التوفيق

[الشاعر المجهول]

في الحقيقة قد ذرفت دوموع الشوق ولم أخشى من الحدين



بكيت من جفاء أحبابي وهجر القلب يدميني
وسلمت الهوى روحي وقلت الحب في القلبين



وناداني وأنا أمشي ولما يفتأ يراضيني



أنا والله في حبي لمن أهوى على دربين

تكبر وأختفى عني وعاد اليوم يهجوني

سأمضي رغم اللامي وأنا في وحدتي مسكين
فكن يا خل لمن حبك إذا زارك على عيني

[عمر النهاري]

الله الله الله

قصيدة أكثر من رائعة

اميرة الاحساس

اختيار رائع وذوق رفيع واحساس مرهف

وقصيدة فعلا تصور مشهداً دراميا مؤثرا وشاعريتها راقية وتمثل نموذجا جميلا ومن السهل الممتنع من قصائد الشعر النبطي



تقبلي كل الشكر ووالتقدير لروعتك

[فيـــ المشاعر ـــض]

صح لسانك يا مبدعه
حاولت أن اقتبس بيت من ابيات القصيده
فسكنتني الحيره فكل بيت يفوق الذي أمامه إبداعاً وجمالاً

ليس بالغريب فالابداع منك وإليك.
دمت مبدعه
اختك فيض المشاعر

[هيثم التميمي]

الله ..


مسكونة بالروعة أنت



مذهلة ..





لك الشكر

[عمر الشيبي]

سلم قلبك وهنيئا لك على الذوق الراقي

[الشامخه]